घनकचरा व्यवस्थापन

साळाव ग्रामपंचायत हद्दीतील सर्व गावांतील कचरा रोजच्या रोज घंटागाडीतून संकलित केला जातो. हा कचरा ओला आणि सुका या दोन प्रकारात वर्गीकरण करून संकलित केला जातो. गावाबाहेर असलेल्या डंपिंग ग्राऊंड वर वेळोवेळी या ओल्या कचऱ्याचे विघटन करण्यात येते.  या प्रक्रियेत नागरिकांकडून स्वच्छता कर किंवा कोणत्याही स्वरूपाचा कर आकारण्यात येत नाही.

गावातील कचरा संकलन

प्लास्टीक संकलन

साळाव ग्रामपंचायत हद्दीतील सर्व गावांचा सुका कचऱ्यातून प्लास्टिक वेगळा करण्याचे महत्वाचे काम आम्ही फौंडेशन या संस्थेचे सदस्य नियमितपणे करतात आणि काशिद येथे स्थित त्यांच्या प्लास्टिक संकलन केंद्रावर हा सर्व प्लास्टिक संकलित करून त्यांच्यामार्फत पुढील प्रक्रियेसाठी पाठवला जातो.

प्लास्टीक संकलन/ वर्गीकरण/ पुनर्वापर

रस्ते व्यवस्थापन

साळाव ग्रामपंचायत हद्दीतील गावांना जोडणारे अंतर्गत मुख्य रस्ते डांबरी असून त्या रस्त्यांच्या दोन्ही बाजूंना, गावांतील घरांच्या समोरील आणि दोन्ही बाजूंना पेन्टागोन टाईल्स तसेच पेवर ब्लॉक्स लावून संपूर्ण गावाचे अंतर्गत परिसराचे सुशोभीकरण करण्यात आलेले आहे. यामुळे पावसाच्या काळात गावामध्ये पाणी साचत नसल्याने चिखल होत नाही आणि पर्यायाने घरांच्या परिसरात स्वच्छता राखणे नागरिकांसाठी सोयीस्कर झाले आहे.

गावातील अंतर्गत रस्ते व परिसर

शुद्ध पाणी पुरवठा

नागरिकांना पिण्याचे शुद्ध पाणी (RO WATER)

साळाव ग्रामपंचायत हद्दीतील सर्व नागरिकांसाठी शुद्ध पाण्याची व्यवस्था JSW मार्फत करण्यात आलेली असून पाईप लाईन द्वारे हे शुद्ध पाणी प्रत्येक गावात २४ तास नागरिकांना उपलब्ध असते.

सुसज्ज स्मशानभूमी

साळाव ग्रामपंचायत हद्दीतील साळाव आणि निधी या गावांमध्ये सुसज्ज स्मशानभूमी, साळाव गावात स्मशानभूमी व कब्रस्थान यांची व्यवस्था असून स्मशानभूमीला जोडण्यासाठी पक्के रस्ते आहेत. प्रत्येक स्मशानभूमीवर सोलर पथदिव्यांची व्यवस्था करण्यात आलेली आहे.

स्मशानभूमी जोडरस्ते/ दिवाबत्ती व्यवस्था

सांडपाणी व्यवस्थापन

गावामध्ये सांडपाणी साचू नये यासाठी सर्वत्र बंदिस्त गटार योजना (Closed Drainage System) कार्यान्वित करण्यात आली आहे. घरोघरी तयार होणारे सांडपाणी मुख्य पाइपलाइनद्वारे एकत्र केले जाते आणि ते गावाबाहेर शोषखड्ड्यात सोडण्यात येते. मात्र हे सांडपाणी प्रक्रिया करण्यासाठी  शुद्धीकरण केंद्र उभारण्यासाठी ग्रामपंचायत प्रयत्नशील आहे. ज्या घरांना बंदिस्त गटारामध्ये पाणी सोडणे भौतिकदृष्ट्या शक्य नाही अशा कुटुंबांना घनकचरा सांडपाणी व्यवस्थापन योजनेअंतर्गत सार्वजनिक शोष खड्ड्यांचा लाभ देण्यात आलेला आहे.

गावातील बंदिस्त गटारे / शोषखड्ड

डिजिटल शाळा

सन २०२० साली ग्रामपंचायत हद्दीतील सर्व शाळा डिजिटल करण्यात आल्या. सर्व शाळांमध्ये ग्रामपंचायतीने संगणक (शिक्षणिक सॉफ्टवेअर सहित), कलर प्रिंटर, प्रॉजेक्टर, wifi कनेक्शन या सुविधा पुरविण्यात आल्या.

सर्व शाळा डिजिटल

एल ई डी पथदिवे

गावातील सर्व अंतर्गत मुख्य रस्ते, गल्ल्या आणि सार्वजनिक ठिकाणी जास्त प्रकाश देणारे आणि ऊर्जेची बचत करणारे led दिवे लावण्यात आलेले आहेत. या LED दिव्यांमुळे विजेचा वापर ५० टक्क्यांहून अधिक कमी झाला आहे, ज्यामुळे ग्रामपंचायतीच्या खर्चात मोठी बचत होत आहे. पुरेशा प्रकाशामुळे रात्रीच्या वेळी रस्त्यांवर होणारे अपघात आणि असुरक्षितता लक्षणीयरीत्या कमी झाली आहे.

१००% एलईडी पथदिवे

5% 10% 15%

ग्रामपंचयातीमार्फत दरवर्षी नियोजित निधीचे वाटप तथा विनियोग केला जातो. शासनाच्या निकशांप्रमाणे 5% दिव्यांग, 10% महिला बालकल्याण, 15% दलितवस्ती विकास यावर योग्य पद्धतीने निधी खर्च केला जातो. विशेष म्हणजे लाभार्थ्यांच्या  मागणीप्रमाणे त्यांना आवश्यक असलेल्या वस्तूंचा लाभ त्यांना दिला जातो.

दिव्यांग, महिला बालकल्याण, दलितवस्ती विकास

आमची दूरदृष्टी आणि संभाव्य उपक्रम

आम्ही साळावच्या आजवरच्या प्रगतीचा अभिमान बाळगतो, पण आमची खरी नजर उद्याच्या साळाववर आहे साळावच्या भविष्याचा नकाशा तयार करण्यासाठी आम्हाला तुमच्या कल्पना आणि सूचनांची गरज आहे. आपल्या ग्रामपंचायतीचे भविष्यातील संभावित अभिनव उपक्रम पाहण्यासाठी खालील बटनावर क्लिक करा